વિદ્યાર્થીઓ માટે ખુશખબર! IRCTCની નવી વેબસાઇટ 15 જુલાઈએ થશે લોન્ચ, કેપ્ચાની ઝંઝટથી મળશે રાહત
નવી દિલ્હી: ટ્રેનમાં મુસાફરી કરતા લાખો મુસાફરો અને ખાસ કરીને વિદ્યાર્થીઓ માટે સારા સમાચાર સામે આવ્યા છે. કેન્દ્રીય રેલ્વે મંત્રી એ જાહેરાત કરી છે કે IRCTCની નવી અને આધુનિક વેબસાઇટ 15 જુલાઈ, 2026ના રોજ લોન્ચ કરવામાં આવશે, જે હાલની વેબસાઇટની અનેક સમસ્યાઓનું સમાધાન લાવશે.
એક કાર્યક્રમ દરમિયાન વિદ્યાર્થીઓએ રેલ્વે મંત્રી સમક્ષ IRCTC વેબસાઇટ પર ટિકિટ બુકિંગ સમયે આવતી મુશ્કેલીઓ, ખાસ કરીને કેપ્ચા ભરવાની સમસ્યા, અંગે રજૂઆત કરી હતી. વિદ્યાર્થીઓની ફરિયાદ સાંભળતાં જ અશ્વિની વૈષ્ણવે તાત્કાલિક સંબંધિત અધિકારી સાથે વાતચીત કરી અને નવી વેબસાઇટ ઝડપથી તૈયાર કરવા સૂચના આપી હતી.
મંત્રીશ્રીએ વિદ્યાર્થીઓને ખાતરી આપી કે 15 જુલાઈથી નવી IRCTC વેબસાઇટ શરૂ થશે, જે વધુ ઝડપી, સરળ અને વપરાશકર્તા-મૈત્રીપૂર્ણ હશે. નવી સિસ્ટમથી ટિકિટ બુકિંગ પ્રક્રિયા સરળ બનશે અને મુસાફરોનો સમય પણ બચશે.
આ દરમિયાન જયપુરમાં આયોજિત એક કાર્યક્રમમાં અશ્વિની વૈષ્ણવે જણાવ્યું હતું કે વડાપ્રધાન ના નેતૃત્વ હેઠળ રેલ્વે ક્ષેત્રમાં મોટા પાયે વિકાસકાર્યો થઈ રહ્યા છે. તેમણે જણાવ્યું કે 2014 પહેલા રાજસ્થાનનું રેલવે બજેટ આશરે 600 કરોડ રૂપિયા હતું, જે હવે વધીને 10,228 કરોડ રૂપિયા સુધી પહોંચી ગયું છે.
નવી IRCTC વેબસાઇટના લોન્ચથી દેશભરના કરોડો મુસાફરોને વધુ સુવિધાજનક અને સરળ ઓનલાઈન ટિકિટ બુકિંગનો અનુભવ મળશે તેવી અપેક્ષા વ્યક્ત કરવામાં આવી રહી છે.
