નેપાળે T20 ક્રિકેટમાં બીજી વખત 300 રનથી વધુનો સ્કોર બનાવ્યો છે. ટીમે રવિવારે એશિયન ગેમ્સના ક્વોલિફાયરમાં ચીન સામે આ પરાક્રમ કર્યું છે. આ મેચમાં નેપાળને 221 રનથી જીત મળી. સિંગાપોરના નેશનલ ક્રિકેટ સ્ટેડિયમમાં ચીને ટૉસ જીતીને બોલિંગ લીધી. નેપાળે પહેલા બેટિંગ કરતા 20 ઓવરમાં 2 વિકેટે 313 રન બનાવ્યા. જવાબમાં ચીન 92 રનમાં ઓલઆઉટ થઈ ગયું. નેપાળ તરફથી ઓપનર કુશલ ભુર્તેલે એક ઓવરમાં સતત 6 છગ્ગા ફટકારવાનું પરાક્રમ પણ કર્યું. તે પ્લેયર ઓફ ધ મેચ રહ્યો. ઇન્ટરેસ્ટિંગ ફેક્ટ્સ T20 ઇન્ટરનેશનલમાં પાંચમી વખત સતત 6 છગ્ગા લાગ્યા ભુર્તેલે એક ઓવરમાં સતત 6 છગ્ગા ફટકારવાનું પરાક્રમ પણ કર્યું. તેણે નવમી ઓવરમાં જોયુ ચેનની બોલ પર 6 છગ્ગા ફટકાર્યા. જોકે, વચ્ચે એક વાઈડ બોલ પણ સામેલ હતો. તેની ઓવરમાંથી કુલ 37 રન આવ્યા. ઓપનર કુશલે રોહિતના રેકોર્ડની બરાબરી કરી કુશલે 43 બોલમાં 300ની સ્ટ્રાઈક રેટથી 129 રન બનાવ્યા. આ T20 ઇન્ટરનેશનલની સંયુક્ત રીતે પાંચમી સૌથી ઝડપી સદી છે. તેણે રોહિત શર્માની બરાબરી કરી. રોહિત શર્માએ T20 ઇન્ટરનેશનલમાં શ્રીલંકા સામે 35 બોલમાં સદી ફટકારી હતી. કુશલે ઇનિંગ્સમાં 16 છગ્ગા ફટકાર્યા, વૈભવ-અભિષેક કરતાં વધુ કુશલ ભુર્તેલે આ ઇનિંગ્સમાં 16 છગ્ગા ફટકાર્યા અને એક T20 ઇનિંગ્સમાં સૌથી વધુ છગ્ગા ફટકારવાના મામલે વૈભવ સૂર્યવંશીને પાછળ છોડ્યો. વૈભવે ઈન્ડિયા-A માટે રમતા એશિયા કપ રાઇઝિંગ સ્ટાર્સમાં 144 રનની ઇનિંગ્સમાં 15 છગ્ગા ફટકાર્યા હતા. ભુર્તેલે અભિષેક શર્માના T20 ઇન્ટરનેશનલમાં 37 બોલમાં સદીના રેકોર્ડને પણ તોડ્યો. ચીનના 4 બેટર્સ ઝીરો પર આઉટ થયા 314 રનના ટાર્ગેટને ચેઝ કરવા ઉતરેલી ચીની ટીમ 19.2 ઓવરમાં 92 રન બનાવી ઓલઆઉટ થઈ ગઈ. ચીન તરફથી માત્ર શેનઝિયાન ઝેંગે સંઘર્ષ કર્યો અને 15 બોલમાં 31 રન બનાવ્યા. આ ઉપરાંત ચીનના 4 બેટર્સ ખાતું પણ ખોલી શક્યા નહોતા.
