જમ્મુ-કાશ્મીરના ફાસ્ટ બોલર આકિબ નબી અફઘાનિસ્તાન સામેની એકમાત્ર ટેસ્ટ મેચ પહેલા ટીમ ઈન્ડિયા સાથે જોડાઈ ગયો છે. તેને નેટ બોલર તરીકે ચંદીગઢમાં ચાલી રહેલા ભારતીય કેમ્પમાં સામેલ કર્યો છે. મેચ 6 જૂનથી મુલ્લાનપુર સ્ટેડિયમમાં રમાશે. 29 વર્ષીય નબીની 19 મેના રોજ જાહેર થયેલી ટેસ્ટ અને વન-ડે ટીમમાં પસંદગી થઈ નહોતી. રિપોર્ટ્સ મુજબ, તેને ભારતીય ટીમ સાથે ભળી જવા માટે બોલાવ્યો છે. થોડા દિવસો પહેલા પ્રિન્સ યાદવને પણ ટીમ સાથે જોડ્યો હતા. નબીએ ગત રણજી સીઝનમાં 60 વિકેટ લીધી હતી નબી છેલ્લી બે રણજી ટ્રોફી સીઝનમાં ડોમેસ્ટિક ક્રિકેટના સૌથી સફળ ઝડપી બોલર રહ્યો છે. તેણે ગત સીઝનમાં 17 ઇનિંગ્સમાં 60 વિકેટ ઝડપી હતી. તેણે ગત સીઝનમાં 17 ઇનિંગ્સમાં 60 વિકેટ લઈને જમ્મુ-કાશ્મીરને પહેલીવાર ચેમ્પિયન બનાવ્યું હતું. આમ, બે સીઝનમાં તેના નામે 104 વિકેટ નોંધાયેલી છે. નબી ન્યૂઝીલેન્ડ પ્રવાસ માટે સંભવિત વિકલ્પ નબીને ભારતના ન્યૂઝીલેન્ડ પ્રવાસ માટે સંભવિત વિકલ્પ માનવામાં આવી રહ્યો છે. ઓક્ટોબરમાં યોજાનાર આ પ્રવાસ પર ભારતીય ટીમને બે ટેસ્ટ મેચ રમવાની છે. ત્યાંની સીમ અને સ્વિંગ માટે મદદરૂપ પરિસ્થિતિઓ તેના પક્ષમાં જઈ શકે છે. લોઅર ઓર્ડરમાં બેટિંગ પણ કરી લે છે નબી આકિબ નબી બેટિંગમાં પણ ઉપયોગી યોગદાન આપે છે. ફર્સ્ટ ક્લાસ ક્રિકેટમાં તેના નામે 969 રન છે. લિસ્ટ-A ક્રિકેટમાં તેણે એક સદી સહિત 572 રન બનાવ્યા છે. જોકે, IPL 2026માં તેનું પ્રદર્શન ખાસ રહ્યું ન હતું. દિલ્હી કેપિટલ્સ તરફથી પાંચ મેચમાં તે કોઈ વિકેટ લઈ શક્યો ન હતો. તેનો ઇકોનોમી રેટ 11.46 રહ્યો હતો. છેલ્લે અફઘાનિસ્તાનના ભારત પ્રવાસનું શેડ્યૂલ વાંચો…
